ఖురాను రచయిత యొక్క చారిత్రక అజ్ఙానం

ఇస్లాం ప్రవక్త ముహమ్మద్ మెక్కా మరియు మెదినాలోని యూదులు మరియు క్రైస్తవుల ద్వారా విన్న బైబిల్ లోని కొన్ని సంఘటనలను వ్యక్తుల పేర్లను వ్యక్తపరుస్తూ ఖురాను వచనాలను అందించాడు. అయితే, తాను విన్నవాటిని తనదైన శైలిలో తనకున్న అరబ్బీ భాషాలోని కావ్య ప్రతిభతో వ్యక్తపరిచాడుగాని, ఆ ప్రయత్నంలో జ్ఙాపకశక్తిలోపాన్నిబట్టి ఎన్నో చారిత్రక పొరపాటులతో కూడిన ప్రకటనలను దేవుని పేరట చేశాడు. ముహమ్మద్ జీవించిన కాలంలోని ప్రజలు ఈ రెండు గ్రంథాలను సరిపోల్చిచూసి ప్రశ్నించే అవకాశం లేకపోవటంతో ముహమ్మద్ చేసిన చారిత్రక పొరపాట్లు ఖురానులో నిరాఘాటంగా కొనసాగుతున్నాయి.

ఖురానులోని కొన్ని బైబిల్ సంబంధిత పొరపాటులను క్రింద పరిశీలించి చూద్దాం.

యేసు తల్లి అయిన మరియ (హీబ్రూలో ‘మిరియం’) మరియు మోషే, అహరోనుల సోదరి అయిన మిరియం ఒకే వ్యక్తి అని ఖురాన్ భావిస్తున్నట్లు కనిపిస్తుంది. ఖురాన్‌లోని ‘ఆలి-ఇమ్రాన్’ (అంటే ‘ఇమ్రాన్ కుటుంబం’; బైబిల్‌లో నిర్గమకాండము 6:20 ప్రకారం ‘అమ్రామ్’) అనే అధ్యాయంలో, ‘అమ్రామ్ భార్య’కు మరియ జన్మించడం గురించిన వృత్తాంతం ఉంది; ఆ తర్వాత ఆమెను బాప్తిస్మమిచ్చే యోహాను తండ్రియైన జకరియా సంరక్షణలో పెంచడం జరుగుతుంది (సూరా 3:35–37). అంతేకాకుండా, సూరా 19:28లో మరియను ‘అహరోను సోదరి’ అని పేర్కొన్నారు. ఈ అంశాలు ఒక ప్రశ్నను లేవనెత్తుతాయి: అమ్రామ్ కుటుంబానికి మరియు నజరేయుడైన యేసు కుటుంబానికి మధ్య వెయ్యి సంవత్సరాల కాలం గడిచిందన్న విషయం ముహమ్మద్ కు గాని లేక ముహమ్మద్ యొక్క అల్లాహ్ కు గాని ఎందుకు తెలియలేదు?

అలాగే, మోషే కాలంలోని ఫరో ఆస్థానంలో ఎస్తేర్ పుస్తకం నుండి సుపరిచితమైన హామాన్ అనే పేరు కనిపించడం (సూరా 28:6); నిర్గమకాండము 32 (సూరా 20:85, 87, 95) నుండి బంగారు దూడ ఎపిసోడ్‌లో ‘సమారిటన్’ పాల్గొనడం; మరియు సౌలు తన యోధులను వారి చేతులతో నీళ్లను తీసుకున్నాడా లేదా నోటితో చప్పరించాడా (సూరా 2:249) ఆధారంగా ఎంపిక చేసుకున్నాడన్న సూచన (సూరా 2:249), ఇది ఖచ్చితంగా న్యాయాధిపతులు 7వ అధ్యాయంలోని గిద్యోను కథకు సంబంధించింది.

ముహమ్మద్ లాంటి నరులు ఈలాంటి పొరపాటులు చేయటం సహజమేగాని సర్వశక్తిమంతుడు సర్వజ్ఙాని అయిన దేవుడు మాత్రం అలాంటి పొరపాటులు చేసే ప్రసక్తే లేదు.